منتديات أبهى القلوب
<a href="http://best2009hearts.mam9.com/profile.forum?mode=register" target="_blank"><img src="http://v25v.net/][img]http://v25v.net/upfiles/3He23303.gif" border="0">



 
الإستقبالالرئيسيةس .و .جالتسجيلدخول

شاطر | 
 

 بنت ليلة عرسها تبكي@

اذهب الى الأسفل 
كاتب الموضوعرسالة
????
زائر
avatar


مُساهمةموضوع: بنت ليلة عرسها تبكي@   2010-03-07, 7:10 am

في ليلة عرسها تبكي ..
حزينه وقلبها يحكي ..
يقول الحمد لك ربي على كل حال ..
على الصحه .. على النعمه ..
على قلبٍ شكى همه ..
وصبرٍ طال ..





تجيها أمها وتقول ..
خلاص يا بنيّـتي إنسي ..
قوّي قلبك الحاني وإقسي ..
نصيبك هو نصيبك ..
ما بيدينا شي ..
ولو كان الله كاتب لك حبيبك ..
ما وقف في دربكم شي ..




تجاوبها ..
أبي أعرف ..
أبوي شلّي استفاده الحين .. ؟!
لو ذابحني كان ابرك ..
وزوجي .. اش ذنبه المسكين ؟
يعيش باقي العمر .. مع جثه تتحرك !
عليك الله يا يمّه .. قوليلي اشلون اضمّه .. ؟!
واذا ودّه يكلمني .. وشاف دموعي فـ عيوني ..
قولي اشلون اكلمه .. ؟!
واذا ناداني بإسمي ..
وانا أخطيت في إسمه ..
يا ترى وش موقفه مني ..
وهو يسمع اسم غيره ؟!!



تجيها أمها وتقول ..
خلاص فضيها من سيره ..
خلاص يا بنيّـتي إنسي ..
قوّي قلبك الحاني وإقسي ..
نصيبك هو نصيبك ..
ما بيدينا شي ..
ولو كان الله كاتب لك حبيبك ..
ما وقف في دربكم شي ..



بقولك شي يا يمّه .. وخليها من الأسرار ..
أبكتب له رسالة شوق ..
بشاكيه الألم والعوق ..
عقب ما أنتهي منها ..
بكل الحرص أرسليها ..
وخبيها عن الأنظار ..
وابي منّك وعد صادق ..
توصليها لذاك المغرم العاشق ..
وبعد ما يوصلك ردّه ..
على طول بلغيني بآخر الأخبار ..




ربع ساعه يا يمّه ..
عطيني بس ربع ساعه ..
أبكتب له عن اللي طفّى ما في القلب ولاعه ..
أبكتب له الين دمع القلم ما يجف ..
تعالي بعدها واستلمي ما في الظرف ..
وكتبت من حزنها ابيات ..

تقول فيها ..





سلاماتي .. تحياتي .. وأشـواقـي الشديده
.......................................... على اللي روحه قبالي .. وأنفـاسـه بعيده


على اللي افترقنا غصب عن عينـي وعينه
................................... بعد ما كنت انا وهو نحلم بلحـظـه سعيده


بعيش بغربتي لحـالـي .. وهـو الله يعينه
................................... يكمّل نصفه الثاني .. ويلـقـى مـن تريده


مثل ما قالت امـي .. مـا لـنـا إلا قدرنا
.................................. والا مـن زمـان المفتـرض إيـدي بإيده



يسامحك الله يالوالـد .. علـى عمـرٍ قتلته
.................................. بعد ما ماتت ابنيتـك وش اللـي بتستفيده ؟


أنا آسفه على اعذاري .. وربي غصب عني
.............................. نعم بتزوّج فلان .. بس بعيش عمري وحيده


محّد ممكـن انّـه يملا عيـونـي بدونك
................................. تذكّر كلمتي هـذي .. أنـا فـ حبّـك شهيده


تذكّر كلمتي أرجـوك .. لأنهـا مـن فؤادي
.............................. فؤادي اللي ذبحوه اليوم.. وطعنوه فـ وريده


تذكّر كلمةٍ فيهـا شـعوري ومـا طـرى لي
............................... أنا فـ حبك شهيده .. وذي ترى آخر قصيده





وجتها الوالده عندها ..



وهي تحاول تغض الطرف

وتسألها ..
وش اللي بداخله هالظرف ؟!
أبيات ..
هي أبيات .. لحبٍ من حياتي فات ..
لحبٍ من حياتي طار ...
بسرعه ارجوك أرسليها ..
وهي تذرف .. دموعٍ نار ..



على هونك يا يمّه ..
على هونك ..
خلاص اطّمني انتي ..
برسل ما كتبتي ..
واستعدّي ..
بعد شوي بيزفونك ..
يزفوني ؟!!
وربي كان أهون لو يكفنوني .. !!



بعد ايّام ..
تسافر لاجل تقضي في فرنسا .. شهر العسل ..
والمكتوب للعاشق وصل ..!
وهي مع زوجها تضحك ..
وهو من فرحته يضحك ..
يقول افديك انا بروحي ..
وبيتي .. ومالي .. والأهل ..
وهي تقول اشكرك بالحيل ..
لأنك من جديد .. رجّعت في قلبي الأمل ..
وساعه بعد ساعه ..
فرحتهم تزيد ..
في الصبح يتجولون من باريس .. لحتى ليل ..
وفي الفندق .. يشربون قهوه بالهيل ..
بعدها يسهرون .. كل الليل ..



وحانت ساعة الردة ..
بعد ما طالت المدة ..
وموعدهم بعد ساعات ..
لاجل ما توصل الرحله على أرض الدمام ..
وأول ما وطوا أرض المطار ..
من الفرحه بكوا ..
واستقبلوهم أهلهم باحضانهم ..
سلامات .. سلامات .. عساكم بس تهنيتوا ..
يجاوبهم ... الله يسلمكم ..
والحمــد لله الهنا في حجرنا بات ..


تطير البنت ناحية أمّها ..
اشتقت لك حيل يمّه ..
وهاتي حضنك الدافي ..
ترى مشتاقه أضمّه ..
وعلميني عن احوالك ..
عن اخبارك .. عساك بخير ؟
بخير يا بنيّـتي .. دامك بخير ..
بس ما سألتيني .. ؟!
خير يا يمّه .. خير ؟!
نسيتي إنك ارسلتي رساله ..
قبل ما ترحلين بخير وسهاله .. ؟!
صحيح ... توني تذكّرت !!!
أرسل لك جواب ..؟




بعد ما ارسلتها ..
صرت انتظر منّه خطاب ..
ومرّت ايام وليالي وساعات ..
بعد مدّه .. شهر أو يمكن شويه يزيد ..
لقيت نفس الرساله .. عند صندوق البريد ..
تقول : لم يقرأها أحد .. !!
قلت بنفسي اتأكّد ..
وصلت لباب منزلهم ..
وكلّمني اخوه محمد ..
عرفتي ليش ما في حد .. قرا الابيات .. ؟!
في نفس اليوم لي إنتي تزوجتي ..
وكنتي حيل مغتمّه ..
حبيبك ما قدر يتحمّل الصدمه ..
مع كل الأسف ... حبيبك ما قدر يتحمّل الصدمه ..
مع كل الأسف ... مـــات !!!
مـــات !!!
مـــات !!!
الرجوع الى أعلى الصفحة اذهب الى الأسفل
@رورو السعودية@
مشرفة الأجنحة الترفهية
مشرفة الأجنحة الترفهية
avatar

عدد المساهمات : 779
العمر : 29
انثى
علم دولتك :
الدولة : السعودية
المدينة : مكة المكرمة
المهنة :
الهواية :
التقييم ( مدى التميز ) : 39
الأوسمة : وسام المشرفة المميزة

مُساهمةموضوع: رد: بنت ليلة عرسها تبكي@   2010-03-22, 7:14 pm

يؤؤؤؤؤؤؤؤؤؤؤؤؤؤؤؤؤؤؤؤؤيؤؤؤؤؤؤؤؤؤ

[ندعوك للتسجيل في المنتدى أو التعريف بنفسك لمعاينة هذه الصورة]



هذا الحب والله بلاش بس هي نسيته مسكين من الفرحه والسفرة

وهو اللي راح فيها ومات

ماورى الحب غير التعب

(بلاحب بلا وجع قلب وش جانا من ورى هالحب غير التعب وش جانا )



يسلموووو شوشو

قصه ولااروع واسلوبها وقافيتها فضيعه


تسلم اناملك يالغلا

تقبلي شكري وتقديري



ماااااني من اللي لا مشى الدهر ينساك * و لا أني من اللي عاشروك للمصالح


و لا أني من اللي لا بغى شي حياك * انا من اللي يقدمون النصايح


لا خانتك دنيااااك و الكل خلاك * تلقى رفيقك صادق عند بابك


[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
????
زائر
avatar


مُساهمةموضوع: رد: بنت ليلة عرسها تبكي@   2010-03-22, 8:48 pm



ايه مره القصة اثرت فيني...حبيت الكل يقراها

بصراحة ما الومها اكيد السفرة بالتأثر



مافي احد يقدر يعيش من غير حب ...بس اللي وده يحب يحب نفسه هي اللي تستاهل الحب
يسلموووو رورو على المرور الرائع
الرجوع الى أعلى الصفحة اذهب الى الأسفل
 
بنت ليلة عرسها تبكي@
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات أبهى القلوب  :: الأجنحة الثانوية :: الأجنحة الترفيهية :: جناح القصص والطرف-
انتقل الى: